As novas tecnoloxías permiten que poidamos ofertar novas maneiras de servir aos veciños e veciñas, mesturando a información en tódolos medios dispoñibles: radio, televisión, internet e publicacións escritas, facilitando o acceso a servizos municipais 24 horas ao día e dende calqueira lugar.

Este proxecto de Rede Social combina infraestructuras e servizos para achegar a vida municipal e crear novas formas de interactuar entre todos os veciñ@s ca administración local.

INFRAESTRUCTURAS
Para botar a andar este cobizoso proxecto, o concello de Allariz porá en marcha unha serie de infraestruturas encamiñadas a crear unha rede municipal (intranet) dotada dunha serie de servizos para os veciños e veciñas, comunicando entre si as parroquias de todo o municipio.

Esquema Rede sen fios ALLARIZ 2.0

Data-Center TIC Equipamento para centralizar os contidos e os servizos que se porán en marcha a través deste proxecto de novas tecnoloxías. Intranet sen fíos - Fase I Crearase unha rede baseada na comunicación sen fíos que permitirá levar servizos a todo o termo municipal. O obxectivo principal é comunicar Allariz cos diferentes núcleos de poboación. Telecentros Para participar nos servizos que se porán en funcionamento nos diferentes centros sociais, dotaranse estes de equipamento informático básico: ordenadores, acceso a internet, TV...

SERVIZOS
Grazas a estas infraestruturas poderemos por en marcha unha serie formas e propostas de comunicación e interoperabilidade entre concello e cidadáns, así como novas actividades.

Tarxeta de Cidadán	Concello Dixital Cada veciño/a poderá solicitar unha tarxeta de cidadán que lle permitirá acceder a servizos municipais desde calquera ordenador conectado a internet. Entre estes servizos estarán a solicitude de certificados, duplicados de recibos, facer consultas directas ao concello, etc. Todo isto dispoñible en 24 horas.
Sinalización Dixital - Información Local	Sinalización Dixital (TV) Un servizo que permite recibir nos diferentes locais sociais (telecentros) un sinal como o da Televisión e, a través del, transmitir información da vida municipal alaricana: sesión plenarias, conferencias, eventos, anuncios importantes,... Esta información tamén estará dispoñible vía internet.
Álfabetización Dixital ca Aula Itinerante	Alfabetización Dixital Paralelo a estes programas, o Concello de Allariz vai programar actividades formativas en todo o territorio municipal mediante unha Aula Itinerante. A finalidade é acadar un coñecemento básico sobre o emprego destes novos servizos municipais.

Díptico Informativo .- Allariz 2.0 Rede Social Muncipal