|
Normativa Pediátrica
Co obxectivo de mellorar a asistencia ós
nenos e nenas no relativo á prevención e
atención a problemas de saúde e co fin de
evitar ó máximo a diseminación ou inducción
de enfermidades establécese, de acordo coa
Asesoría Pediátrica, a seguinte normativa:
1.- Os pais, ó matricular ó neno neste Centro,
aceptan e comprométense a cumprir as normativas
que se expoñen.
2.- Mentres acudan á Gardería, os pais
comprométense a administrar ós seus fillos as
doses de vacinas actualmente recomendadas.
3.- Os pais comprométense a notificar as
enfermidades que padecer os seus fillos, tanto se
acoden á Gardería, como se están de baixa,
cunha demora non superior a 24-48 horas.
Importantísimo en enfermidades contaxiosas,
incluso aínda que as padezan outros membros da
familia (exemplo: hepatite, tuberculose, ...).
4.- No caso de que o neno enferme estando na
Gardería, os pais deben recollelo o antes
posible, unha vez que se lle notifique.
5.- Os pais comprométense a cumprir a normativa
de exclusión de nenos enfermos que rexe no
centro e que segue as recomendacións de diversas
asociacións e entidades científicas de rango
nacional e internacional.
6.- Os pais traerán á Gardería o mínimo de
medicacións posibles polo risco que implica
telas e administralas no centro. En todo caso, as
doses de primeiras horas da mañá e da tarde
procurarán dalas na casa.
7.- Cando se teña que administrar algunha
medicación, indicarase por escrito o nome,
horario e a dose exacta.
Normativa médica de EXCLUSIÓN. Por
síntomas
- Temperatura elevada mantida (38º C
rectal, ou máis).
- Vómitos repetidos (dous ou máis).
- Diarrea líquida (duas ou máis
deposicións),sobre todo acompañada de
febre.
- Tose intensa, que impida a actividade
normal.
- Dificultade respiratoria.
- Secreción purulenta de ollos.
- Dor intenso, de calquera localización.
- Sempre que o neno, polo motivo que sexa,
non poida seguir o desenvolvemento normal
das actividades da Gardería.
- En todos aqueles casos nos que tras a
consulta pertinente, así o recomende a
Asesoría Pediátrica.
|
