O proxecto nace dende a Área de Novas Tecnoloxías do Concello de Allariz coa intención de incorporar novas formas de formación, aceso e participación a través das TIC's.

Mediante unha convocatoria pública de participación cidadá convidouse aos veciños a crear un producto audiovisual, organizándose en grupos de traballo e participando naqueles que foran do seu interese: guion, gravación, montaxe, audio...

A alta participación e a implicación de máis de 50 veciños fixo posible poñer en marcha esta actividade, onde entre todos se decidiu que o mellor era crear unha miniserie, incluso creando a trama e a historia dende o principio.

Así pois as primeiras reunións e xornadas de traballo baseáronse en escribir o fío conductor da historia, crear as personaxes e escoller entre os veciños e veciñas que se apuntaran voluntariamente os máis axeitados a cada papel.

Paralelamente empezouse a traballar por parte doutros veciños na música, búsqueda de localizacións, etc...

O resultado de todo isto ten sido moi positivo, xa que ademáis de aprender e participar, os veciños e veciñas pasamos mois bos momentos participando nesta actividade.