26/01/2010.- ACTUALIDADE MUNICIPAL   
A implantación da televisión dixital terrestre segue o seu proceso na provincia de Ourense. Así, a televisión analóxica desaparece hoxe, para dar paso á dixital terrestre, en Allariz e en 16 concellos mais que captaban o sinal dende o remisor do Monte de Meda.

Os cidadáns que teñan algunha dúbida ou problema coa implantación da TDT teñen a súa disposición o teléfono 012 da oficina técnica de televisión dixital terrestre.


Casco Histórico Allariz

Os veciños e veciñas que habitan no Casco Histórico de Allariz e que reciben no seu televisor a sinal por cabo seguirán a ver as canles actuais sen necesidade de facer ningún cambio ata o 1 de marzo, previsiblemente.

O Concello de Allariz está a facer un esforzo inversor para a mellora do servizo e modernización da rede para que mediante os cambios realizados nas instalacións, os veciños e veciñas que reciben a sinal polo cabo podan recibir o sinal da TDT con tódalas canles e servizos interactivos incluídos.

Así a partir do 1 de marzo grazas a un novo sistema que permite adaptar a televisión dixital terrestre a través do cabo, as vivendas situadas no Casco Histórico poderán ver os novos canais coa adaptación dun receptor TDT.

Para consultar dúbidas podedes achegarvos ata a oficina de Rehabilitación e Urbanismo no teléfono 988 554 006.