29/01/2010.- ACTUALIDADE MUNICIPAL   
O proxecto As herbas medicinais en Allariz: unha historia de recuperación e empoderamento feminino, foi seleccionado como unha das dez mellores iniciativas galegas.

Un dos proxectos presentados polo Concello de Allariz no concurso “Maiores con iniciativa”, As herbas medicinais en Allariz: unha historia de recuperación e empoderamento feminina, foi seleccionado por votación popular entre os 10 mellores proxectos de Galicia.

O proxecto alaricano, que mestura ós nosos maiores coas novas tecnoloxías, será valorado, xunto coas demais iniciativas seleccionadas, por un Xurado autonómico quen dará a coñecer o seu veredicto na entrega de premios que terá lugar o vindeiro 16 de febreiro en Santiago de Compostela. De resultar seleccionada entre as tres mellores iniciativas galegas, o proxecto pasaría á final estatal.

Boa sorte ós nosos maiores!