...:: ALLARIZ ::... Cultura e Tradición no tempo...

A Asociación AVINZA GDR 15 comeza este mércores en Maceda a segunda parte da Campaña de Divulgación do Programa LEADER 2007-2013 NÓS AVIMOS, que se desenvolverá ao longo mes de marzo e abril por todo o territorio AVINZA, co fin de informar á poboación sobre as liñas de axudas orientadas a pequenas e medianas empresas, mellora das explotacións agrarias, conservación do medio natural e do patrimonio.

Nesta segunda quenda as xornadas de divulgación distribúense por mesas sectoriais Agraria, gandeira e forestal; Turismo, hostalería e artesanía; Asociación de empresarios multisectoriais; Asociacións Deportivas, recreativas, culturais e xuvenís e Asociacións de Mulleres) e nos diferentes concellos que conforman a asociación aproximando deste xeito a información á poboación e aos potenciais emprendedores/as.

Con estes encontros búscase atender especificamente as necesidades informativas de cada unha das mesas sectoriais do programa LEADER 2007-2013 e outras axudas que poidan ser de interese, buscase a maiores o contacto entre profesionais co obxecto de potenciar o traballo conxunto e a cooperación entre eles.

As xuntanzas son abertas, e os interesados/as poden elixir a mesa sectorial máis afín a súa actividade e a localización máis próxima ao seu concello.

Esta información está tamén pendurada na páxina www.avinza-gdr15.com

Mesas Sectoriais