22/08/2012.- MEDIO AMBIENTE   
A Reserva da Biosfera Área de Allariz, en colaboración co Grupo de desenvolvemento rural Avinza GDR 15 e o Concello da Bola, xunto co Centre d´Animation en Pays de Logne (Francia) organizan, durante esta semana, un campamento intercambio entre moz@s rurais.

Un total de dezaoito rapaces e rapazas procedentes de Allariz e Pays de Logne compartirán e intercambiarán experiencias, realizarán traballos e excursións pola contorna e coñecerán as vilas que conforman a Reserva.

O grupo de intercambio terá a oportunidade de visitar o Museo da Limia ou a carballa da Rocha; San Salvador dos Penedos e o Parque Etnográfico do río Arnoia; bañarse no río Orille e no Arnoia e traballar xuntos en diferentes obradoiros. Compartirán impresións e vivenzas.