Muíño do Burato

Muiño do Burato O Muíño do Burato é unha mostra moi representativa dos numerosos muíños hidráulicos que se poden atopar ó longo do río Arnoia. É un muíño de turbina (mecanismo posterior ó rodicio tradicional) con dúas rodas, que incorpora nunha delas o funcionamento con motor eléctrico. Dende a súa rehabilitación o seu muiñeiro mostra ós visitantes a tradicional moenda de gran de cereal.  Audio: Explicación do Muiño do Burato

Museo do Tecido “O Fiadeiro”

Museo do Tecido Allariz, como importante zona de producción de liño e elaboración de tecidos durante o século pasado, conta co Museo do Tecido “O Fiadeiro”. Acolle unha representación dos aparellos empregados no cultivo e transformación do liño (ripo, mazo, espadeleiro, restrelo, fusos, rocas, etc.), un antigo tear aínda en uso e diversas pezas antigas tecidas a man como colchas, picotes, sabas, roupa interior, .... Ademais conta cun pequeño espacio adicado a obradoiro onde a artesana responsable do Museo elabora e pon á venda os seus traballos.    Audio: Explicación do Museo do Tecido

Museo do Coiro “Fábrica de Curtidos Familia Nogueiras”

Museo do Coiro Este Museo ocupa unha parte importante dun emblemático edificio recentemente recuperado, situado á beira do río Arnoia, a Fábrica de Curtidos da familia Nogueiras. Na zona adicada a Museo, onde se localizan os pilos da curtición, recóllense as ferramentas empregadas neste oficio (coitelos de pelar, de escarnar, de aprimar, taboas, mesa de engrasar, lunetas, mazo, tenazas, aparello de rematar, etc.), o que permite comprender, xunto coas explicación que se ofrecen nos paneis, todo o proceso de curtición. No piso superior do edificio habilitouse un obradoiro onde un artesar traballa o coiro e un espacio adicado a aula, onde teñen lugar os cursos de artesanía que se teñen levado a cabo polo Museo.  Audio: Explicación do Museo do Coiro